Sport

Báðir tví­burarnir með hundrað lands­leiki fyrir Ís­land

Óskar Ófeigur Jónsson skrifar
Tvíburarnir Hafsteinn og Kristján Valdimarssynir hafa báðir spilað meira en hundrað landsleiki fyrir Ísland.
Tvíburarnir Hafsteinn og Kristján Valdimarssynir hafa báðir spilað meira en hundrað landsleiki fyrir Ísland. @hamarblak

Tvíburarnir Hafsteinn og Kristján Valdimarssynir náðu þeim risastóra áfanga á þessu ári að spila báðir sinn hundraðasta landsleik fyrir Íslands hönd.

Þeir eru auðvitað fyrstu tvíburar sem ná þessu í íslenska landsliðsbúningnum í blaki en líka í sama hvaða íþrótt það er.

@Hamarblak

Hafsteinn og Kristján eru fæddir í febrúar 1989 og eru því orðnir 36 ára gamlir. Þeir hafa spilað síðustu ár með Hamri í Hveragerði, þar sem þeir eru uppaldir, en þeir léku lengi sem atvinnumenn í Danmörku, í Noregi, í Austurríki og í Frakklandi. Þeir voru ekki alltaf í sama liði.

Hafsteinn náði þessu í helgina þar sem íslenska blaklandsliðið mætti Færeyjum og Svíþjóð í Digranesi en leikirnir voru hluti af Evrópukeppni landsliða 2025 – SilverLeague. Kristján hafði komist í hundrað leikja hópinn á undan honum.

Í tilefni af þessum tímamótum þá fengu þeir bræður einnig gullmerki Blaksambands Íslands.

Sigrún Kristjánsdóttir, móðir tvíburanna, var auðvitað afar ánægð með sína menn á samfélagsmiðlum:

„Stolt af sonunum sem fengu gullmerki Blaksambands Íslands fyrir að hafa spilað 100 landsleiki“. Hún birti með mynd af þeim Hafsteini og Kristjáni með treyjum sem þeir fengu í tilefni af hundraðasta landsleiknum.




Fleiri fréttir

Sjá meira


×