Háhyrningurinn synti rak­leiðis í strand

Háhyrning rak á land nærri golfvellinum Korpu við Korpúlfsstaði í Grafarvogi í gærkvöld. Hrafnhildur Björnsdóttir, sem býr í Grafarvogi, varð vitni að því þegar dýrið sigldi í strand. Hún segir að atvikið hafi gerst um kl. 21.

Á myndskeiðinu má sjá hvernig háhyrningurinn syndir krókalaust í strand. 

Slökkviliðsmenn héldu háhyrninginum rökum í nótt til að halda honum á lífi. 

Dýrið losnaði af sjálfsdáðum á háflóði á sjöunda tímanum í morgun, tók smá snúning í sjónum en strandaði svo á nýjan leik. Óljóst er hver næstu skref verða en slökkviliðið hefur ekki fengið frekari beiðnir um aðstoð, að sögn varðstjóra þar.