Fyrsti svarti dómari ensku úr­vals­deildarinnar látinn

Rennie dæmdi yfir 300 leiki á árunum 1997-2008, þar á meðal 175 leiki í ensku úrvalsdeildinni.

„Okkur hryggir mjög að heyra af andláti fyrrum formanns okkar og brautryðjanda í dómarastéttinni, Uriah Rennie, “ segir í yfirlýsingu knattspyrnusambands Sheffield & Hallamshire sýslu.

„Uriah skráði sig á spjöld sögunnar þegar hann varð fyrsti svarti dómari ensku úrvalsdeildarinnar, er hann dæmdi yfir 300 leiki á árunum 1997-2008. Hann ruddi veginn, mótaði knattspyrnusambandið og veitti komandi kynslóðum innblástur.“

Rennie var fæddur á Jamaíka, en flutti til Sheffield þegar hann var barn. Hann greindi nýlega frá því að hann væri að læra að ganga á ný eftir að hann greindist með sjaldgæfan sjúkdóm og lamaðist fyrir neðan mitti.

Hann hóf dómaraferil sinn árið 1979, en ritaði nafn sitt á spjöld sögunnar þegar hann varð fyrsti svarti dómarinn í ensku úrvalsdeildinni er hann dæmdi viðureign Derby og Wimbeldon.