Fótbolti

Sæ­var Atli kallaður inn í lands­liðið

Sindri Sverrisson skrifar
Sævar Atli Magnússon í upphitun á Wembley í fyrra. Hann á að baki fimm A-landsleiki.
Sævar Atli Magnússon í upphitun á Wembley í fyrra. Hann á að baki fimm A-landsleiki. Getty/Mike Egerton

Það verður enn bið á því að Arnór Sigurðsson spili landsleik undir stjórn Arnars Gunnlaugssonar því hann á við meiðsli að stríða. Sævar Atli Magnússon hefur verið kallaður inn í hans stað.

Arnór hafði verið að glíma við meiðsli í aðdraganda leikjanna við Kósovó í mars og er nú aftur meiddur og missir af vináttulandsleikjunum við Skotland 6. júní og Norður-Írland 10. júní.

Þess í stað fær Sævar Atli tækifæri til að bæta við sína fimm landsleiki en þessi 24 ára sóknarmaður lék alla fimm leiki sína til þessa árið 2023; tvo undir stjórn Arnars Þórs Viðarssonar og svo þrjá í undankeppni EM undir stjórn Åge Hareide.

Þetta er önnur breytingin sem Arnar hefur þurft að gera á landsliðshópnum sem hann valdi um miðjan maí, vegna meiðsla. Áður hafði hann kallað í Dag Dan Þórhallsson sem kemur í stað Bjarka Steins Bjarkasonar.

Landslið karla í fótbolta

Tengdar fréttir

Dagur Dan kallaður inn í íslenska landsliðið

Dagur Dan Þór­halls­son, leik­maður Or­lando í Bandaríkjunum, hefur verið kallaður inn í lands­liðs­hóp ís­lenska karla­lands­liðsins í fót­bolta fyrir komandi leiki liðsins gegn Skot­landi og Norður-Ír­landi. Bjarki Steinn Bjarka­son er meiddur og þurfti að draga sig úr hópnum.

Aron Einar með en enginn Gylfi

Arnar Gunnlaugsson hefur tilkynnt hóp íslenska karlalandsliðsins í fótbolta fyrir vináttulandsleikina gegn Skotlandi og Norður-Írlandi. Aron Einar Gunnarsson er í hópnum en ekki Gylfi Þór Sigurðsson.

Mest lesið


Fleiri fréttir

Sjá meira


×

Mest lesið