Innlent

Viðja bar sex lömbum takk fyrir

Magnús Hlynur Hreiðarsson skrifar
Viðja með lömbin sín sex, þrjár gimbrar og þrír hrútar.
Viðja með lömbin sín sex, þrjár gimbrar og þrír hrútar. Magnús Hlynur Hreiðarsson

Ærin Viðja á bænum Haugum í Skriðdal á Fljótsdalshéraði gerði sér lítið fyrir og bar sex lömbum, sem er mjög, mjög fátítt eða jafn vel einsdæmi.

Bændur á bænum eru þau Stefán Jónsson og Hugrún Sveinsdóttir en þau hafa búið í 43 ár með kindur og kýr en eru hætt með kýrnar og núna eiga þau um 50 ær.

„Það er heilmikil frjósemi hjá okkur því margar ærnar eru þrílembdar og við erum með fjórar fjórlembur. Viðja slær þó öll met með sín sex lömb en hún hefur verið marglemd í gegnum árin. Hún er með þokugegnið svonefnda en faðir lambanna er undan sæðingahrútnum Vormi“, segir Hugrún. Kynjaskipting lambanna er þrír hrútar og þrjár gimbrar en Viðja bar þeim 26. maí.

Burðurinn hjá Viðju gekk mjög vel og eru lömbin mjög falleg.Aðsend
Fljótsdalshreppur Sauðfé Landbúnaður

Mest lesið


Fleiri fréttir

Sjá meira


×

Mest lesið