Sál­fræðingar felldu aftur kjara­samning

Þetta kemur fram í tilkynningu frá Sálfræðingafélagi Íslands. Atkvæði féllu á þann veg að 44,4 prósent sögðu já en 55,6 prósent þeirra sem greiddu atkvæði sögðu nei. Kjörsókn var 71,2 prósent. Ritað var undir samninginn 22. maí síðastliðinn.

„Samningurinn sem nú var lagður í atkvæði félagsmanna var efnislega sá sami og sálfræðingar höfnuðu í atkvæðagreiðslu í ársbyrjun að því frátöldu að fulltrúar samninganefndar ríkisins höfðu nú tekið fyrirhugaðar hækkanir á launatöflum í september n.k. (launatöfluauka) út af borðinu.

Þannig var samningstilboð ríkisins nú í raun og veru lakara en það sem hafnað var í atkvæðagreiðslu í byrjun árs,“ segir í tilkynningunni.