Á­fram norðan­átt og sums staðar strekkings­vindur

Á vef Veðurstofunnar segir að hvassast verður á Vestfjörðum en yfirleitt hægur vindur um landið suðvestanvert.

Víða verða skúrir, en rigning um tíma sunnan- og austantil á landinu.

„Dregur úr vætu, smáskúrir eftir hádegi en styttir upp vestanlands. Hiti yfirleitt á bilinu 7 til 13 stig.

Síðan fjarlægist lægðin og dagana á eftir tekur við hálfgerð áttleysa. Búast má við skúrum, einkum síðdegis en einnig einhverjum sólarglennum. Hiti breytist lítið,“ segir í hugleiðingum veðurfræðings.

Veðurhorfur á landinu næstu daga

Á þriðjudag: Norðlæg eða breytileg átt 3-8 m/s, en norðaustan 5-10 norðvestantil. Dálítil væta norðaustanlands, en skúrir á Suður- og Vesturlandi. Hiti 5 til 13 stig.

Á miðvikudag og fimmtudag (uppstigningardagur): Breytileg átt 3-8 og allvíða skúrir, einkum síðdegis. Svipaður hiti áfram.

Á föstudag: Suðlæg eða breytileg átt 3-8 og sums staðar skúrir, einkum síðdegis, en dálítil rigning suðvestantil um kvöldið. Hiti breytist lítið.

Á laugardag: Austanátt, víða hæg. Rigning af og til suðaustanlands, annars skýjað með köflum og stöku skúrir. Hiti 8 til 15 stig.

Á sunnudag (sjómannadagurinn): Norðlæg eða breytileg átt. Skýjað með köflum og líkur á síðdegisskúrum. Áfram milt í veðri.