Stór­leikur Martins dugði ekki til og Alba Berlin úr leik

Alba Berlín rétt skreið inn í úrslitakeppnina eftir brösótt gengi á tímabilinu en liðið náði sér ekki á strik í einvíginu gegn Ulm sem sópaði Berlínarbúunum að lokum út 3-0. 

Martin og félagar voru með bakið upp við vegg í kvöld og voru í ágætri stöðu framan af leik en Alba leiddi 62-67 fyrir fjórða leikhluta. Þá settu heimamenn í gírinn og skoruðu 31 stig gegn aðeins 17 stigum Alba og unnu leikinn að lokum 93-84 og einvígið 3-0 eins og áður sagði. 

Martin var stigahæstur í liði Alba í kvöld með 20 stig, og bætti við þremur stoðsendingum og tveimur fráköstum.