Innlent

Skiptar skoðanir um endur­reisn í Grinda­vík, Úkraína heim­sótt og nýr borgar­stjóri

Magnús Jochum Pálsson skrifar
Kolbeinn Tumi Daðason fréttastjóri Vísis, Stöðvar 2 og Bylgjunnar les fréttirnar í kvöld sem eru í opinni í dagskrá.
Kolbeinn Tumi Daðason fréttastjóri Vísis, Stöðvar 2 og Bylgjunnar les fréttirnar í kvöld sem eru í opinni í dagskrá. Stöð 2

Ríkisstjórnin telur ekki ráðlegt að hefja stórtækt endurreisnarstarf í Grindavík vegna óvissu. Ríkið mun ekki kaupa atvinnuhúsnæði í bænum. Við fjöllum um breytingar á stuðningi við Grindvíkinga sem kynntar voru í dag, og fáum viðbrögð frá bæjarstjóra Grindavíkur, sem segist sakna áætlunar um vernd innviða.

Við heyrum reynslusögur íbúa í Úkraínu, sem upplifað hafa loftárásir á borg sína Poltova, en Elín Margrét Böðvarsdóttir fréttamaður heimsótti borgina í dag.

Heiða Björg Hilmisdóttir borgarstjóri hefur tilkynnt að hún muni láta af formennsku í Sambandi íslenskra sveitarfélaga í vikunni, og lækka þar með í launum um tæplega 900 þúsund krónur. Borgarstjóri ræðir ákvörðun sína í kvöldfréttatímanum.

Við fjöllum um mótmæli við ríkisstjórnarfund vegna stöðunnar á Gasa, heyrum merkilega sögu leiguflugs á Íslandi, fáum nýjar fréttir af Ölfusárbrú og ræðum við goðsögn í íslenskum handbolta, sem óvíst er að geti spilað aftur eftir erfið veikindi.

Þetta og fleira í kvöldfréttum í beinni útsendingu á Stöð 2, Vísi og Bylgjunni á klukkan hálf sjö.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið