Selenskí á fund Banda­ríkja­manna í Sádi-Arabíu

Í síðustu viku fundaði Selenskí með Donald Trump Bandaríkjaforseta, í Hvíta húsinu í Washington-borg. Sá fundur þótti fara einstaklega illa.

Selenskí segist nú vonast eftir þýðingarmiklum fundi.

Hann mun ferðast næstkomandi mánudag, en í Sádi-Arabíu hyggst hann hitta Mohammed Bin Salman, krónprins.

„Þar á eftir mun teymi mitt halda við í Sádi-Arabíu til að vinna með Bandaríkjamönnum. Helsta markmið Úkraínu er að semja um frið,“ segir í færslu á Telegram.

Steve Witkoff, sérstakur erindreki Trumps, segist vera í friðarviðræðum við Úkraínu þar sem unnið sé að samkomulagi um endalok stríðsins við Rússa. Hann tekur undir um að fyrirhugaður sé fundur með Úkraínumönnum í Sádi-Arabíu.