Tryggvi og fé­lagar fjar­lægjast fallsvæðið

Bilbao er í 12. sæti deildarinnar með sextán stig, nú fjórum stigum frá fallsæti.

Tryggvi var í byrjunarliði Bilbao og lék í rúmar nítján mínútur. Hann skoraði tvö stig og tók sjö fráköst. Enginn í liði heimamanna hirti fleiri fráköst en Tryggvi.

Fyrir viku tryggðu Tryggvi og félagar í íslenska landsliðinu sér sæti á EM með sigri á Tyrkjum, 83-71. Tryggvi var svo mættur í slaginn með Bilbao í dag.

Í vetur er Tryggvi með 8,1 stig, 6,5 fráköst og 1,3 stoðsendingar að meðaltali í leik í spænsku úrvalsdeildinni.

Tryggvi hefur leikið á Spáni frá 2017 en hann gekk í raðir Bilbao fyrir tveimur árum. Áður lék hann með Valencia, Obradoiro og Zaragoza.