Ís­lenska körfuboltaárið hefur aldrei byrjað fyrr

Úrvalsdeild karla hefur aldrei byrjað fyrr á nýju ári síðan hún var sett á laggirnar árið 1978.

Gamla metið var 3. janúar en fyrstu leikir ársins hafa þrisvar sinnum farið fram á þeim degi síðast í janúar 2022. Það var einnig spilað 3. janúar árið 2008 og árið 1992.

Sex félög af tólf skrifa því söguna í kvöld. ÍR tekur á móti Grindavík í Skógarselinu, Njarðvík fær Þorlákshafnar Þórsara í heimsókn í IceMar-höllina í innri Njarðvík og Keflavík tekur á móti Álftanesi í Blue-höllinni í Keflavík.

Allir leikirnir hefjast klukkan 19.15 og verður fylgst með þeim öllum í einu i Skiptiborðinu á Stöð 2 Sport. Þeir verða líka sýndir í beinni á sportstöðvunum og Gaz-leikur kvöldsins er sá á milli Njarðvíkur og Þórs.