Erlent

For­setinn verður ekki á­kærður

Silja Rún Sigurbjörnsdóttir skrifar
Woo Won-shik, talsmaður þingsins.
Woo Won-shik, talsmaður þingsins. AP

Forseti Suður-Kóreu verður ekki ákærður vegna neyðarherlaga sem hann setti í gildi fyrr í vikunni. Flestir þingmenn stjórnarflokksins yfirgáfu þingsalinn þegar atkvæðagreiðslan fór fram.

Þing Suður-Kóreu samþykkti ekki að ákæra Yoon Suk Yeol, forseta landsins. 

Stjórnarandstaðan þurfti tvö hundruð atkvæði, eða tvo þriðju þingsins, til að kæran færi í gegn. Andstaðan þurfti átta atkvæði frá flokki Yoon en náðist það ekki. Allir nema þrír þingmenn PPP yfirgáfu þingsalinn áður en atkvæðagreiðslan hófst. 

Þetta kemur fram í umfjöllun BBC.

Margir mótmælendur komu saman fyrir utan þinghúsið og voru mikil vonbrigði þegar kæran komst ekki í gegnum þingið. Mótmælendurnir vildu láta handtaka Yoon Suk Yeol og stóðu einnig fyrir útgöngum þinghússins svo að þingmennirnir sem greiddu ekki atkvæði kæmust ekki út.

Suður-Kórea

Tengdar fréttir

Þúsundir mótmælenda vilja afsögn forsetans

Þúsundir mótmælenda eru fyrir utan þinghús Suður-Kóreu. Í dag verður kosið um vantrauststillögu gegn forsetanum Yoon Suk Yeol eftir að hann lýsti yfir neyðarherlögum í landinu fyrr í vikunni. 

Mest lesið


Fleiri fréttir

Sjá meira


×

Mest lesið