Innlent

Ók á sjö kindur og drap þær

Lovísa Arnardóttir skrifar
Ökumaður ók á sjö kindur um helgina á Suðurlandi og drap þær allar. Myndin er úr safni.
Ökumaður ók á sjö kindur um helgina á Suðurlandi og drap þær allar. Myndin er úr safni. Vísir/Vilhelm

Sjö kindur drápust um helgina á Suðurlandi þegar var ekið á þær. Þetta kemur fram í tilkynningu frá Lögreglunni á Suðurlandi. Þar segir að frá því á föstudag hafi verið skráð um 150 mál hjá embættinu.

Tilkynnt hafi verið um sjö umferðarslys. Ekki hafi verið um alvarleg slys á fólki að ræða en í einu tilfellinu sé ökumaður grunaður um að aka undir áhrifum áfengis og án ökuréttinda.

Í tilkynningu lögreglunnar segir að átta ökumenn hafi verið kærðir fyrir að aka of hratt og að sá sem hraðast ók hafi mælst á 124 kílómetra hraða á klukkustund.

Hópslagsmál í partýi

Þá greinir lögreglan frá því að hún hafi verið kölluð til vegna hópslagsmála við heimili. Þar tókust nokkrir aðilar á í partýi. Málið er til rannsóknar hjá lögreglunni.

Lögreglumál Umferð Samgönguslys Sauðfé

Mest lesið


Fleiri fréttir

Sjá meira


×

Mest lesið