Handbolti

Þrjár breytingar á landsliðshópnum | Aron ekki með

Ingvi Þór Sæmundsson skrifar
Aron Pálmarsson er meiddur. Hann er nýgenginn í raðir Veszprém í Ungverjalandi.
Aron Pálmarsson er meiddur. Hann er nýgenginn í raðir Veszprém í Ungverjalandi. vísir/vilhelm

Snorri Steinn Guðjónsson hefur þurft að gera þrjár breytingar á íslenska landsliðshópnum vegna meiðsla leikmanna. Landsliðsfyrirliðinn Aron Pálmarsson verður til að mynda fjarri góðu gamni gegn Bosníu og Georgíu.

Auk Arons eru þeir Elliði Snær Viðarsson og Sigvaldi Guðjónsson meiddir. Í þeirra stað koma Arnar Freyr Arnarsson, Benedikt Gunnar Óskarsson og Birgir Már Birgisson inn í íslenska hópinn.

Birgir, sem er 25 ára hægri hornamaður, hefur ekki verið valinn í landsliðið áður. Hann hefur leikið með FH síðan 2018.

Ísland mætir Bosníu í Laugardalshöllinni á miðvikudagskvöldið og Georgíu í Tíblisi á sunnudaginn. Um er að ræða fyrstu leiki Íslendinga í undankeppni EM 2026.

Í dag var greint frá því að íslenska liðið myndi mæta Svíþjóð í tveimur leikjum fyrir heimsmeistaramótið í janúar.

Landslið karla í handbolta EM karla í handbolta 2026

Mest lesið


Fleiri fréttir

Sjá meira


×

Mest lesið