Magnesíum kemur í mörgum mis­munandi formum

Í umræðunni um heilsu og næringu er mikilvægt að muna eftir magnesíum. Magnesíum er fjórða algengasta efnið í líkamanum og spilar mikilvægt hlutverk í að viðhalda almennu heilbrigði og efla okkur andlega sem og líkamlega. Þetta steinefni tekur þátt í yfir 300 lífefna- og lífeðlisfræðilegum ferlum í líkama okkar og stuðlar meðal annars að eðlilegri starfsemi taugakerfisins, vöðvastarfsemi og próteinmyndun, auk viðhaldi beina og tanna. Magnesíum er jafnframt nauðsynlegt steinefni fyrir hjarta- og æðakerfi, alla orkuvinnslu í líkamanum og blóðsykursjafnvægi.

Magnesíum getur haft mikil áhrif á almenna heilsu og vellíðan

Margir hverjir hafa aukna þörf á magnesíum nú til dags og er það að hluta til vegna nútíma mataræðis. Vaxandi neysla á unnum matvælum, sem eru oft næringarsnauð, gerir það að verkum að fólk fær ekki nægilegt magn af magnesíum úr fæðunni. Jafnframt hefur jarðvegseyðing leitt til þess að minna magnesíum er að finna í ávöxtum og grænmeti en áður. Þegar að við fáum ekki nóg magnesíum getur vöntunin sýnt sig í ýmsum kvillum svo sem óeðlilegum hjartslætti, skjálfta og krampa. Önnur merki geta einnig komið fram í gegnum miðtaugakerfið, þar sem það tengist meðal annars svefnleysi eða eirðarleysi. Magnesíum tekur þátt í mörgum mikilvægum ferlum líkamsstarfseminnar og því getur langvarandi vöntun haft víðtæk áhrif á almenna heilsu og vellíðan.

Magnesíum stuðlar m.a. að andlegri og líkamlegri slökun

Þegar magnesíum er í hæfilegu magni í líkamanum getur það meðal annars hjálpað til við að létta á spennu, bæta svefn og stuðlað að betri andlegri vellíðan. Magnesíum hefur róandi áhrif á taugakerfið, sem getur dregið úr streitu og stuðlað að slökun. Þetta er sérstaklega mikilvægt fyrir svefninn en með því að hjálpa líkamanum með slökun getur magnesíum bætt gæði svefns og dregið úr svefntruflunum. Magnesíum hefur einnig mikilvæg áhrif á vöðvaslökun, sem getur minnkað líkur á vöðvakrömpum og fótapirring.

Magnesíum er ekki bara magnesíum

Magnesíum hefur fjölþætt áhrif á líkamsstarfsemina en magnesíum er ekki bara magnesíum heldur er það til í ýmsum formum, sem hvert og eitt hefur sína eiginleika og virkni. Magic Magnesíum línan frá New Nordic inniheldur þrjár mismunandi tegundir af magnesíum. Hver tegund hefur sína sérstöku virkni, sem tryggir að allir geti fundið það form af magnesíum sem hentar þeirra þörfum best.

Magnesíum Citrate fyrir meltingu

Magnesíum Citrate hentar sérlega vel fyrir þau sem fá sinadrætti og fótapirring vegna róandi og slakandi áhrifa. Það styður einnig við heilbrigða meltingu með því að hafa losandi áhrif á ristilinn og getur því reynst þeim vel sem þurfa að koma á hreyfingu í þarmana.

Magnesíum Glycinate fyrir slökun

Magnesíum Glycinate er sérlega gagnlegt til að styðja við heilbrigt svefnmynstur og stuðla að betri svefni vegna amínósýrunnar glýsín sem er þekkt fyrir róandi áhrif. Glycinate hefur einnig slakandi áhrif á taugakerfið og getur stuðlað að léttu skapi og betri andlegri heilsu. Þessi tegund af magnesíum hentar öllum sem eiga erfitt með að ná slökun eða eru að undir miklu álagi og streitu. Glycinate nýtist mjög vel í líkamanum og er milt fyrir magann.

Magnesíum Malate fyrir orku

Magnesíum Malate hentar öllum sem finna fyrir mikilli þreytu og orkuleysi en það spilar mikilvægt hlutverk í orkuvinnslu líkamans. Malate er einnig þekkt fyrir að hafa jákvæð áhrif á vöðvaþreytu og að styðja við heilbrigði beina. Magnesíum Malate stuðlar sérstaklega að því að draga úr þreytu og lúa og bæta almennt orkuna.