Innlent

Eldur í skor­steini í Máva­hlíð

Magnús Jochum Pálsson skrifar
Sem betur fer dreifðu eldtungurnar sem kviknuðu í skorsteininum ekkert úr sér og var ekkert tjón á húsinu né slys á fólki.
Sem betur fer dreifðu eldtungurnar sem kviknuðu í skorsteininum ekkert úr sér og var ekkert tjón á húsinu né slys á fólki.

Slökkviliðið á höfuðborgarsvæðinu var með mikinn viðbúnað í Hlíðunum vegna elds sem kviknaði í skorsteini. Engin slys urðu á fólki og tókst að slökkva eldinn nokkuð auðveldlega.

Slökkviliðinu barst tilkynning klukkan 21:05 um eld í Mávahlíð frá bæði nágrönnum og eigendum skorsteinsins sem kviknaði í. Þrír slökkviliðsbílar og tveir sjúkrabílar voru sendir á vettvang.

Þegar á staðinn var komið reyndist eldurinn bara vera í skorsteininum og tókst að slökkva hann á rúmu korteri. Engin slys urðu á fólki og ekkert tjón á húsinu.

„Þetta var bara í skorsteini. Blessunarlega fór eldurinn ekki neitt í þak,“ sagði Steinþór Darri Þorsteinsson aðstoðarvarðstjóri hjá Slökkviliðinu á höfuðborgarsvæðinu.

Hér fyrir neðan má sjá eldtungurnar sem stigu upp úr skorsteininum.

Hér fyrir neðan má einnig sjá frábærar drónamyndir sem Egill Aðalsteinsson, tökumaður, náði af slökkviliðinu:

Eins og sjá má voru þrír slökkviliðsbílar sendir á vettvang.Vísir/Egill
Eldurinn fór ekki framhjá Hlíðarbúum enda mikill eldur og reykur auk viðbúnaðar slökkviliðs.Vísir/Egill
Það tók ekki nema sautján mínútur að ráða niðurlögum eldsins.Vísir/Egill
Slökkvilið Reykjavík

Mest lesið


Fleiri fréttir

Sjá meira


×

Mest lesið