Full­komið sumar varð að­eins full­komnara hjá Guð­rúnu og fé­lögum

Rosengård sótti þrjú stig til Stokkhólms með því að vinna 5-1 útisigur á AIK.

Guðrún Arnardóttir var sem fyrr eins og klettur í miðri vörn toppliðsins.

Hin japanska Mai Kadowaki skoraði tvö mörk í fyrri hálfleiknum eftir að Rebecca Knaak hafði komið liðinu í 1-0 eftir þrettán mínútna leik.

Momoko Tanikawa bætti við fjórða markinu eftir tólf mínútna leik í seinni hálfleik og fimmta markið var síðan sjálfsmark á 66. mínútu.

Rosengård hefur ekki fengið á sig mörg mörk í sumar en AIK náði að minnka muninn á 78. mínútu.

Rosengård hefur verið með algjöra yfirburði í sænsku deildinni í sumar en eftir þennan sigur er liðið með tólf stiga forskot á toppnum.

Sautján sigrar í sautján leikjum og markatalan plús 70 mörk. Liðið hefur aðeins fengið á sig fimm mörk í þessum leikjum og unnið leikina með meira en fjórum mörkum að meðaltali.

Rosengård vann aðeins tólf sigra á öllu síðasta tímabili þegar liðið endaði í sjöunda sæti deildarinnar.