Dagur og Króatía úr leik á Ólympíu­leikunum í París

Þetta varð ljóst eftir að Króatía tapaði með einu marki á móti Spáni í kvöld, 32-31, í hreinum úrslitaleik um sæti í útsláttarkeppninni.

Spænska liðið var skrefinu á undan allan leikinn, komst í 8-4, 12-8, 17-12 og var 20-15 yfir í hálfleik.

Króatíska liðið beit frá sér í seinni hálfleiknum og náði að minnka muninn í eitt mark. Nær komust þeir ekki fyrr en alveg í blálokin þegar þeir jöfnuðu metin en Spánverjar skoruðu síðan sigurmarkið þremur sekúndum fyrir leiklok.

Króatar urðu að vinna leikinn og því hefði jafntefli dugað spænska liðinu.

Spánverjar fara í átta liða úrslitin ásamt Þýskalandi, Svíþjóð og Slóveníu.

Króatía vann tvo leiki á leikunum og báða á móti landsliðum sem Dagur hefur þjálfað, Japan og Þýskalandi.

Þjóðverjar unnu alla leiki sína í riðlakeppninni nema þennan leik á móti Króatíu.

Alfreð Gíslason og lærisveinar hans í Þýskalandi mæta Frakklandi í átta liða úrslitunum en þau líta annars þannig út.