Innlent

Veru­lega hvasst í Eyjum á laugar­daginn

Kolbeinn Tumi Daðason og Rafn Ágúst Ragnarsson skrifa
Það verður fjölmenni í Herjólfsdal í Vestmannaeyjum um verslunarmannahelgina.
Það verður fjölmenni í Herjólfsdal í Vestmannaeyjum um verslunarmannahelgina. Vísir/Sigurjón

Það er hætt við því að þeir sem eiga ferð með Herjólfi til Vestmannaeyja á laugardaginn fái aðeins í magann yfir veðurspánni. Hún hljóðar upp á 23 m/s í hádeginu en á að lægja með deginum þótt töluvert blási.

Birgir Örn Höskuldsson, veðurfræðingur á Veðurstofu Íslands segir að það verði leiðinlega hvasst í Vestmannaeyjum á laugardaginn en að honum þyki þó ekki líklegt að rokið nái 23 m/s. Hann segir þó að enn megi halda í vonina því að vindáttin gæti breyst og veitt eyjunum skjól.

Hratt dregur úr rokinu eftir því sem líður á laugardaginn og um kvöldmatarleytið verður rokið komið niður í viðráðanlegri 8-13 m/s. 

Líklega fylgjast landsmenn sjaldan betur með veðurspánni og dagana fyrir Verslunarmannahelgi. Fjölmenni stefnir á þjóðhátíð í Eyjum þar sem boðið verður upp á alls konar veður yfir helgina.

Það er reyndar tilfellið víðast hvar um landið. Allir landshlutar munu fá sinn skammt af rigningu sem ætti ekki að koma neinum á óvart eftir það sem á undan er gengið í sumar.

Að neðan má sjá spá Veðurstofu Íslands fyrir landið allt um helgina.

Það má reikna með rigningu víðast hvar þegar fólk heldur margt hvert af stað í ævintýri helgarinnar um kvöldmatarleytið á föstudeginum.
Svona gæti veðrið orðið um kvöldmatarleytið á laugardeginum.
Um kvöldmatarleytið á sunnudaginn verður hlýjast á höfuðborgarsvæðinu.
Það mun rigna í flestum landshlutu á mánudaginn þegar það rennur upp fyrir mörgum að það er vinna daginn eftir.

Veður Þjóðhátíð í Eyjum

Mest lesið


Fleiri fréttir

Sjá meira


×

Mest lesið