Undra­barnið Gray til Totten­ham

Þessi ungi miðjumaður, sem getur einnig leikið sem bakvörður, vakti mikla athygli í ensku B-deildinni á síðustu leiktíð þar sem hann spilaði alls 52 leiki þegar Leeds fór alla leið í umspil B-deildarinnar en mátti þola tap gegn Southampton. 

Tottenham borgar Leeds á bilinu 25-30 milljónir punda fyrir leikmanninn og þá fer miðvörðurinn Joe Rodon til Leeds sem hluti af kaupverðinu.

Tottenham endaði í 5. sæti á síðustu leiktíð og tekur því þátt í Evrópudeildinni á komandi leiktíð.