Birta við­kvæmar upp­lýsingar um lög­reglu­menn á netinu

Þá sýnum við það helsta úr kappræðum Joes Biden og Donalds Trump sem fóru fram í nótt. Frammistaða Bidens er sögð sú versta af hálfu sitjandi forseta í manna minnum. Demókratar hafa þungar áhyggjur af heilsu forsetans.

Viðburðahaldari á Selfossi segir að fyrirhugaðar framkvæmdir við stækkun nýja miðbæjarins á Selfossi muni ógna árlegum hátíðum í bænum. Honum blöskrar hversu langt eigi að byggja inn á tún við miðbæinn, og vill að Selfyssingar geti áfram komið þar saman.

Framkvæmdastjóri FÍB segir ógjörning að banna nýskráningu dísel- og bensínbíla eftir tæp fjögur ár, eins og stjórnvöld skoða nú að gera. Vinsældir rafbíla hafa hrapað það sem af er ári.

Þá förum við yfir himinhátt verð á ferðum með landsbyggðarstrætó í beinni útsendingu og Magnús Hlynur spreytir sig á hundraðasta frisbígolfvelli landsins, sem er nýbúið að opna í Grímsnesi.

Í sportinu kynnum við okkur landsliðshóp kvenna í fótbolta sem kynntur var í dag og tökum fyrir sögulegan sigur íslenska landsliðsins í pílukasti.