Bein út­sending: Eldhúsdagsumræður á Al­þingi

Umræðurnar skiptast í tvær umferðir og hefur hver þingflokkur þar átta mínútur í fyrri umferð og fimm mínútur í seinni umferð.

Röð flokkanna í báðum umferðum verður eftirfarandi: Samfylkingin, Flokkur Fólksins, Sjálfstæðisflokksins, Píratar, Framsókn, Viðreisn, Vinstri græn, Miðflokkurinn. 

Hægt er að fylgjast með umræðunum í spilaranum að neðan.

Ræðumenn flokkanna verða eftirtaldir:

Fyrir Samfylkinguna tala í fyrri umferð Kristrún Frostadóttir, 3. þingmaður Reykjavíkurkjördæmis suður, og í þeirri seinni Dagbjört Hákonardóttir, 11. þm. Reykjavíkurkjördæmis norður.

Ræðumenn Flokks fólksins eru Inga Sæland, 7. þingmaður Reykjavíkurkjördæmis suður, í fyrri umferð og Guðmundur Ingi Kristinsson, 9. þingmaður Suðvesturkjördæmis, í seinni umferð.

Fyrir Sjálfstæðisflokkinn tala Guðrún Hafsteinsdóttir, dómsmálaráðherra, í fyrri umferð og Guðlaugur Þór Þórðarson, umhverfis-, orku- og loftslagsráðherra, í seinni umferð.

Ræðumenn Pírata eru í fyrri umferð Gísli Rafn Ólafsson, 13. þingmaður Suðvesturkjördæmis, og í seinni umferð Lenya Rún Taha Karim, 3. þingmaður Reykjavíkurkjördæmis norður.

Fyrir Framsóknarflokkinn tala Lilja Rannveig Sigurgeirsdóttir, 3. þingmaður Norðvesturkjördæmis, í fyrri umferð og Ágúst Bjarni Garðarsson, 11. þingmaður Suðvesturkjördæmis, í þeirri seinni.

Ræðumenn Viðreisnar eru Sigmar Guðmundsson, 12. þingmaður Suðvesturkjördæmis, í fyrri umferð og í þeirri seinni Guðbrandur Einarsson, 10. þingmaður Suðurkjördæmis.

Fyrir Vinstrihreyfinguna – grænt framboð tala Steinunn Þóra Árnadóttir, 2. þingmaður Reykjavíkurkjördæmis norður, í fyrri umferð og Eva Dögg Davíðsdóttir, 7. þingmaður Reykjavíkurkjördæmis norður, í seinni umferð.

Fyrir Miðflokkinn tala Sigmundur Davíð Gunnlaugsson, 7. þingmaður Norðausturkjördæmis, í fyrri umferð og í þeirri seinni Bergþór Ólason, 8. þingmaður Norðvesturkjördæmis.