Horfin skot­vopn, ó­veður og píanósnillingur í beinni

Fjallað verður nánar um málið í kvöldfréttum Stöðvar 2.

Á sama tíma og það styttist í þinglok á enn eftir að afgreiða mörg stór um umdeild mál sem ágreiningur virðist um innan ríkisstjórnarflokkanna. Viðreisn hefur boðist til að koma einhverjum þeirra í gegn. Við verðum í beinni frá Alþingi og tökum stöðuna á þingmönnum.

Vetrarveður á Norðurlandi hefur haft víðtæk áhrif. Við sjáum myndir af óveðrinu og ræðum við garðyrkjufræðing sem segir gróður og fugla geta komið illa undan snjóþyngslum.

Við heyrum einnig í grunnskólanemum sem segja aukna fræðslu skila því að færri velji að horfa á klám, kynnum okkur framkvæmdir sem tefja umferð og verðum í beinni frá Salnum í Kópavogi þar sem sautján ára píanósnillingur stígur á stokk í kvöld.

Í Sportpakkanum verður rætt við nýjan þjálfara körfuboltaliðs Tindastóls og í Íslandi í dag skoðar Vala Matt á glæsilegt smáhýsi sem var einu sinni lúin útigeymsla.

Þetta og margt fleira á samtengdum rásum Bylgjunnar, Stöðvar 2 og Vísis klukkan 18:30.