Varar við söfnun í nafni barna Hrafns

Í facebook-færslu Illuga segir hann að börn Hrafns hafi frétt af menn hafi safnað peningum í þessu skyni. 

Þeir gefi sig jafnvel að fólki á götum úti, biðji um fé eða selji harðfisk eða lakkrís og segist vera að safna peningum til styrktar þeim fjórum,“ skrifar Illugi og áréttar:

„Af því tilefni vilja þau að fram komi að engin slík söfnun er í gangi á þeirra vegum, þau vita ekkert um þetta og þeim væri heldur engin þægð í slíkri söfnun.“

Fjölmargir hafa deilt tilkynningunni og margir hneykslast í athugasemdum. Fjölmiðlamaðurinn Egill Helgason kveðst vita um einn „ofurkurteisan“ sem hafi fallið fyrir söfnuninni við Melabúðina. 

Hrafn Jökulsson lést eins og áður segir þann 17. september árið 2022, 56 ára að aldri. Hrafn lét eftir sig eiginkonuna Oddnýju Halldórsdóttur og fjögur börn, þau Þorstein Mána, Örnólf, Þórhildi Helgu og Jóhönnu Engilráð.