Ellefu mörk og tvö rauð í leikjum kvöldsins í Lengjubikarnum

Í riðli 3 vann Stjarnan afar öruggan 4-0 sigur gegn HK á Samsungvellinum þar sem Helgi Fróði Ingason og Róbert Frosti Þorkelsson sáu um markaskorun heimamanna í fyrri hálfleik.

Róbert Frosti bætti svo öðru marki sínu við snemma í síðari hálfleik áður en Emil Atlason gulltryggði 4-0 sigur Stjörnunnar á 71. mínútu.

Þetta var fyrsti sigur Stjörnunnar í Lengjubikarnum á þessu tímabili og liðið er nú með fjögur stig í fjórða sæti riðils 3, þremur stigum meira en HK sem situr á botninum.

Í sama riðli mættust svo Njarðvík og Fjölnir í Nettóhöllinni þar sem Kenneth Hogg í liði Njarðvíkur og Úlfur Arnar Jökulsson, þjálfari Fjölnis, fengu báðir að líta rautt spjald á 42. mínútu.

Fjölnismenn nýttu sér liðsmuninn og mörk frá Mána Austmann Hilmarssyni og Óliver Degi Thorlacius í uppbótartíma fyrri hálfleiks og Kristófer Degi Arnarssyni snemma í síðari hálfleik tryggðu liðinu 0-3 sigur.

Að lokum vann Fylkir 3-0 sigur gegn Þrótti í riðli 2 þar sem Ómar Björn Stefánsson skoraði tvö mörk fyrir heimamenn og Guðmundur Tyrfingsson eitt.