Kvöld­fréttir Stöðvar 2

Fulltrúar Starfsgreinasambandsins, Samiðnar og Eflingar hafa fundað með fulltrúum Samtaka atvinnulífsins hjá ríkissáttasemjara í allan dag. Reiknað er með að heildarpakki kjarasamninga verði lagður fyrir ríkisstjórn um eða upp úr miðri viku. Heimir Már Pétursson fer yfir stöðuna í kjaraviðræðum í kvöldfréttum.

Íslandsstjórn Amnesty International skorar á íslensk stjórnvöld að draga til baka ákvörðun sína um frystingu á fjárframlögum til Palestínuflóttamannaaðstoðar Sameinuðu þjóðanna. Boðað hefur verið til mótmæla á föstudag og framkvæmdastjóri Amnesty mætir í myndver og fer yfir ákallið.

Þá sjáum við myndir úr þéttsetinni útför Karls Sigurbjörnssonar biskups, kíkjum á virkjanaframkvæmdir í Færeyjum og sjáum forseta Íslands máta nýja mottumars sokka.

Í Íslandi í dag heyrum við sögu mæðgna og heyrum af viðbrögðunum þegar mamman fær krabbamein. Þetta og margt fleira á samtengdum rásum Bylgjunnar og Stöðvar 2 klukkan 18:30.