Handbolti

Ljóst hvaða lið mætast í Höllinni

Sindri Sverrisson skrifar
Haukar eru komnir í undanúrslit eftir frækinn sigur gegn FH.
Haukar eru komnir í undanúrslit eftir frækinn sigur gegn FH. vísir/Hulda Margrét

Í hádeginu var dregið í undanúrslit Powerade-bikars karla og kvenna í handbolta og þar með er ljóst hvað liðin þurfa að gera í Laugardalshöll í mars, til að landa bikarmeistaratitlinum.

Ríkjandi bikarmeistarar, Eyjakonur og Mosfellingar, eru úr leik í keppninni og geta því ekki varið titla sína.

Stjarnan og Valur eru með lið sín í undanúrslitum hjá bæði körlum og konum.

Í undanúrslitum karla, sem fram fara 6. mars, mætast annars vegar Stjarnan og Valur, og hins vegar ÍBV og Haukar sem marga hildina hafa háð í gegnum árin.

Valskonur eru líklegar til afreka í Höllinni eftir að hafa slegið út Hauka.vísir/Hulda Margrét

Í undanúrslitum kvenna, sem leikin verða 7. mars, mæta ÍR-ingar liði Vals en Stjarnan mætir Selfossi, eina 1. deildarliðinu sem komst í Höllina.

Úrslitaleikirnir fara fram laugardaginn 9. mars.

Powerade-bikarinn Valur Stjarnan ÍBV Haukar UMF Selfoss ÍR

Mest lesið


Fleiri fréttir

Sjá meira


×

Mest lesið