Hádegisfréttir Bylgjunnar

Ekki er ljóst hvenær fyrsti fundur í deilunni fer fram undir handleiðslu sáttasemjara en í hádeginu heyrum við í Sigríði Margréti Oddsdóttur framkvæmdastjóra Samtaka atvinnulífsins.

Einnig fjöllum við um málefni Grindavíkur og um þá staðreynd að eigendur þeirra húsa sem orðið hafa fyrir altjóni í eldsumbrotunum fá aðeins hlutan bótanna greiddan því ekki liggur fyrir hvernig staðið verður að förgun og niðurrifi húsanna. 

Að lokum heyrum við í veðurfræðingi og viðbragðsaðilum vegna óveðursins sem gekk yfir í nótt og í morgun. 

Í íþróttapakka dagsins verður EM í handbolta gert upp en Íslendingum mistókst í gær að tryggja sig inn í umspil fyrir Ólympíuleikana þrátt fyrir sigur á Austurríki.