Landsliðskona til Grinda­víkur

Grindvíkingar tilkynntu á miðlum sínum að landsliðskonan hafi samið við Grindavík og liðinu hafi því borið óvæntur en jafnframt risastór liðsstyrkur fyrir lokasprettinn í Subway-deild kvenna.

Dagný Lísa, sem er 27 ára miðherji, kemur til Grindavíkur frá Fjölni en hún hefur verið frá keppni vegna meiðsla síðan í desember 2022. Áður en hún meiddist var hún lykilmaður í liði Fjölnis og var valinn besti leikmaður Subway-deildar kvenna vorið 2022.

Á tímabilinu 2021-22 þá var Dagný Lísa með 14,7 stig og 8,4 fráköst að meðaltali í leik en hún skoraði þá 18,5 stig að meðaltali í fjórum leikjum á móti Grindavík.

Dagný er uppalinn í Hamri en spilaði lengi í bandaríska háskólaboltanum áður en hún snéri aftur í íslenska boltann og leiddi lið Fjölnis til besta árangurs þess í sögu liðsins.