„Vildi bara gera þetta til að verða frægur“

Tottenham leit út fyrir að hafa náð sér í mikla orku frá drengnum því liðið rúllaði yfir Newcastle í þessum leik og vann sannfærandi 4-1 sigur.

Strákurinn heitir Ralph og var tekinn í viðtal hjá Sky Sports.

„Ég fékk hugmyndina frá pabba mínum. Hann var samt ekki að segja mér að gera þetta en ég vildi bara gera þetta til að verða frægur,“ sagði hinn kokhrausti Ralph.

Myndbandið af honum að hita upp í leikmannagöngunum fór á flug á netinu. Svo var hann kominn í viðtal á Sky og endar í frétt á Vísi. Það er því hægt að segja að það hafi tekist vel hjá honum að verða frægur.

„Ég spurði Son hvort ég mætti frá treyjuna hans en hann lét mig ekki fá hana. Svo hitti ég hann aftur og þá gaf hann mér treyjuna sína,“ sagði Ralph.

Guglielmo Vicario, markvörður Tottenham, sagði að leikmenn liðsins hefðu fengið mikla orku frá því að sjá strákinn svo tilbúinn í leikinn.

„Hann sagði líka við mig að þeir gætu þurft á mér að halda af því að það væri svo margir meiddir,“ sagði Ralph og það vantar ekki sjálfstraustið á þessum bæ. Það má sjá viðtalið við hann hér fyrir neðan. Ef Instagram færslan birtist ekki er gott ráð að endurhlaða fréttina.