„Líkami sem allir karl­menn vilja bera og allar konur vilja faðma“

Hinn fullkomni körfuboltamaður, að mati Sævars, er settur saman úr fimm mismunandi leikmönnum úr Subway-deild karla.

„Þetta var ekkert erfitt,“ sagði Sævar og hló þegar Stefán Árni Pálsson, stjórnandi þáttarins, gaf honum orðið. „Ég held að ég hafi svarað þér á svona tveimur mínútum. Þetta lá ljóst fyrir allan tímann.“

Hinn fullkomni körfuboltamaður var, eins og áður segir, samansettur úr fimm mismunandi leikmönnum og kom hver og einn leikmaður með eitthvað eitt að borðinu. Þannig valdi Sævar einn leikmann sem honum þykir hafa bestu fýsíkina, einn sem hefur besta leikskilninginn, einn sem hefur bestu hittnina, einn sem hefur bestu boltaleiknina og að lokum einn sem kemur með besta varnarleikinn að borðinu.

„Þetta er líkami sem allir karlmenn vilja bera og allar konur vilja faðma,“ sagði Sævar um leikmanninn sem hann valdi í bestu fýsíkina, en innslagið og hinn fullkomna körfuboltamann má sjá í spilaranum hér fyrir neðan.