Kvöld­fréttir Stöðvar 2

Tæplega áttatíu prósent hjúkrunarfræðinga hafa áhyggjur af því að lenda í alvarlegu atviki í starfi samkvæmt nýrri könnun. Formaður Félags íslenskra hjúkrunarfræðinga segir niðurstöðurnar áhyggjuefni og nauðsynlegt að bæta starfsaðstæður.

Samgönguráðherra leggur áherslu á að frumvarp sem tekur á notkun rafhlaupahjóla fái meðferð í þinginu sem fyrst. Þó hjólin séu fínasta samgöngubót verði fólk að kunna sér hóf.

Þá heyrum við í neytendum sem segja áfasta tappa á plastflöskum hræðilega, kynnumst nýjum sporthundi björgunarsveitanna og hittum tíu ára snilling í pílukasti.

Þetta og fleira á samtengdum rásum Stöðvar 2 og Bylgjunnar klukkan 18:30.