Samskipti við eigendur húsnæðisins hafi verið til fyrirmyndar Margrét Björk Jónsdóttir skrifar 17. október 2023 20:01 Jón Viðar Matthíasson, slökkviliðsstjóri Slökkviliðs höfuðborgarsvæðisins, segir eigendur húsnæðisins að Funahöfða 7 hafa brugðist vel við ábendingum slökkviliðsins hvað varðar brunavarnir og hafi gert viðeigandi úrbætur. Vísir/Sigurjón/Vilhelm Slökkviliðstjóri segir samskipti við eigendur húsnæðisins við Funahöfða 7, þar sem maður lést í kjölfar eldsviða í gær, hafa verið til fyrirmyndar. Þúsundir búa í iðnaðarhúsnæði hér á landi sem hann segir að þurfi ekki endilega að vera slæmt. Þrír voru fluttir á slysadeild í kjölfar brunans. Einn þeirra lést af sárum sínum en hinir tveir eru á batavegi. Eldsupptök eru enn ókunn en miðlæg deild lögreglunnar á höfuðborgarsvæðinu rannsakar málið. Greint var frá því í dag að slökkvilið höfuðborgarsvæðisins hafi gert úttekt á húsnæðinu í apríl á þessu ári. Í kjölfar þeirrar úttektar voru gerðar nokkrar athugasemdir og tækifæri gefin til úrbóta. Búið var að bæta úr öllum atriðum nema einu sem var gefinn aukinn frestur á, sem varðar brunastiga af annarri hæð. Jón Viðar Matthíasson, slökkviliðsstjóri Slökkviliðs höfuðborgarsvæðisins, segir samskipti við eigendur húsnæðisins hafa verið til fyrirmyndar. „Þeir voru alveg gjörsamlega meðvitaðir um hvað þurfti að gera og það var góð samvinna á milli okkar. Ef við horfum á allar staðreyndir, bruninn var í einu brunahólfi, það var ekki mikil reykútbreiðsla og viðvörunarkerfi fór í gang. Það eru allavega jákvæðar fréttir við þennan annars hræðilega atburð.“ Jón Viðar segist ekki hafa sjálfur hafa rætt við eigendurna eftir brunann í gær en veit til þess að aðrir slökkviliðsmenn hafi átt í samskiptum við þá. „Þeir eru náttúrulega, eins og allir aðrir, í sjokki yfir þessu. En stundum enda því miður hlutirnir á þennan máta.“ Funahöfði 7 er ekki á lista slökkviliðsins um ósamþykkt húsnæði sem farið er fram á að verði lokað. Þúsundir búa í iðnaðarhúsnæði Eftir bruna á Bræðaborgarstíg árið 2020 þar sem þrír létust, réðust Húsnæðis- og mannvirkjastofnun, Slökkvilið höfuðborgarsvæðisins og Alþýðusambandið í að kortleggja hversu margir búa í atvinnuhúsnæði á höfuðborgarsvæðinu og hvernig brunavörnum væri háttað. Í skýrslu sem gefin var út í fyrra kom fram að hátt í tvö þúsund manns byggju við slíkar aðstæður en nú virðist vera að sú tala sé mun hærri. „Það hefur orðið sprengja í þessu, gífurleg fjölgun. Það eru þúsundir sem búa við þessar aðstæður,“ segir Jón Viðar. Eldurinn kom upp í herbergi á fyrstu hæð hússins. Maður sem var inni í herberginu lést af sárum sínum. Vísir/Vilhelm Þrátt fyrir þennan mikla fjölda sem býr í iðnaðarhúsnæði segir hann að aðstæður séu ekki alltaf óviðunandi. „Við erum með húsnæði sem er algjörlega til fyrirmyndar, svo erum við með húsnæði sem er langt frá því að vera til fyrirmyndar. Það er okkar helsti fókus í dag, að huga að því húsnæði.“ Að búa í atvinuhúsnæði þýðir ekki endilega að það sé slæmt. Aðspurður um hvort aðrar kröfur séu gerðar til brunavarna í iðnaðarhúsnæði sem búið er í, heldur en almennu íbúðarhúsnæði, segir Jón Viðar að oft sé stigið skrefinu lengra. „Við erum oft að tala um ekki bara fimm aðila, heldur tíu, tuttugu, þrjátíu. Þetta er oft orðið í raun meira eins og gistiheimili. Og kröfur á gistiheimili eru meiri en á íbúðarhúsnæði.“ Bjartsýnn á að frumvarp nái fram að ganga Jón Viðar er bjartsýnn á að frumvarp sem til stendur að leggja fyrir Alþingi verði orðið að lögum fyrir áramót. Það gæfi slökkviliðinu heimild til að fara inn í íbúðarhúsnæði ef grunur leikur á að brunavarnir séu í ólagi. „Það yrði jákvæð breyting. Það geta verið íbúðarhúsnæði sem er búið að hólfa niður og kannski tugir einstaklinga sem leigja þar. Það eitt og sér getur verið varhugavert varðandi brunavarnir og öryggi. Síðan er líka sú breyting að þeir sem eru ekki með brunavarnirnar í lagi, þurfi sjálfir að greiða fyrir eftirlitið.“ Þetta er svipað og ef þú keyrir yfir á rauði ljósi, þá borgar þú þá sekt en ekki almenningur. Bruni á Funahöfða Slökkvilið Reykjavík Mest lesið Ríkið situr á þúsundum hektara af framræstu votlendi Innlent Sagði frá fyrirætlunum sínum í SMS-i fyrir morðið Erlent „Ég mun ekki sjá eftir honum“ Innlent Trump höfðar 15 milljarða dala mál gegn New York Times Erlent Yfirlæknir gagnrýnir auglýsingu gegn lyfi við RS-veiru Innlent „Þetta var vissulega ekki í starfslýsingunni“ Innlent Frumvarp um afnám laga um orlof húsmæðra lagt fram í tíunda sinn Innlent Ísland ekki óhult ef til átaka kemur í Evrópu Innlent Hefur ekki áhyggjur af svindli með nýju námsmati Innlent Bandaríkin lýstu yfir fullum stuðningi við fyrirætlanir Ísraelsstjórnar Erlent Fleiri fréttir Fá að halda framkvæmdum áfram í bili Eldur í geymslu í blokk á Selfossi Yfirlæknir gagnrýnir auglýsingu gegn lyfi við RS-veiru Flestir sem skráðu sig í Skorradalshrepp fá að kjósa Frumvarp um afnám laga um orlof húsmæðra lagt fram í tíunda sinn Ríkið situr á þúsundum hektara af framræstu votlendi Sló töskunni í vélarhlíf lögreglubifreiðar „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Sjá meira
Þrír voru fluttir á slysadeild í kjölfar brunans. Einn þeirra lést af sárum sínum en hinir tveir eru á batavegi. Eldsupptök eru enn ókunn en miðlæg deild lögreglunnar á höfuðborgarsvæðinu rannsakar málið. Greint var frá því í dag að slökkvilið höfuðborgarsvæðisins hafi gert úttekt á húsnæðinu í apríl á þessu ári. Í kjölfar þeirrar úttektar voru gerðar nokkrar athugasemdir og tækifæri gefin til úrbóta. Búið var að bæta úr öllum atriðum nema einu sem var gefinn aukinn frestur á, sem varðar brunastiga af annarri hæð. Jón Viðar Matthíasson, slökkviliðsstjóri Slökkviliðs höfuðborgarsvæðisins, segir samskipti við eigendur húsnæðisins hafa verið til fyrirmyndar. „Þeir voru alveg gjörsamlega meðvitaðir um hvað þurfti að gera og það var góð samvinna á milli okkar. Ef við horfum á allar staðreyndir, bruninn var í einu brunahólfi, það var ekki mikil reykútbreiðsla og viðvörunarkerfi fór í gang. Það eru allavega jákvæðar fréttir við þennan annars hræðilega atburð.“ Jón Viðar segist ekki hafa sjálfur hafa rætt við eigendurna eftir brunann í gær en veit til þess að aðrir slökkviliðsmenn hafi átt í samskiptum við þá. „Þeir eru náttúrulega, eins og allir aðrir, í sjokki yfir þessu. En stundum enda því miður hlutirnir á þennan máta.“ Funahöfði 7 er ekki á lista slökkviliðsins um ósamþykkt húsnæði sem farið er fram á að verði lokað. Þúsundir búa í iðnaðarhúsnæði Eftir bruna á Bræðaborgarstíg árið 2020 þar sem þrír létust, réðust Húsnæðis- og mannvirkjastofnun, Slökkvilið höfuðborgarsvæðisins og Alþýðusambandið í að kortleggja hversu margir búa í atvinnuhúsnæði á höfuðborgarsvæðinu og hvernig brunavörnum væri háttað. Í skýrslu sem gefin var út í fyrra kom fram að hátt í tvö þúsund manns byggju við slíkar aðstæður en nú virðist vera að sú tala sé mun hærri. „Það hefur orðið sprengja í þessu, gífurleg fjölgun. Það eru þúsundir sem búa við þessar aðstæður,“ segir Jón Viðar. Eldurinn kom upp í herbergi á fyrstu hæð hússins. Maður sem var inni í herberginu lést af sárum sínum. Vísir/Vilhelm Þrátt fyrir þennan mikla fjölda sem býr í iðnaðarhúsnæði segir hann að aðstæður séu ekki alltaf óviðunandi. „Við erum með húsnæði sem er algjörlega til fyrirmyndar, svo erum við með húsnæði sem er langt frá því að vera til fyrirmyndar. Það er okkar helsti fókus í dag, að huga að því húsnæði.“ Að búa í atvinuhúsnæði þýðir ekki endilega að það sé slæmt. Aðspurður um hvort aðrar kröfur séu gerðar til brunavarna í iðnaðarhúsnæði sem búið er í, heldur en almennu íbúðarhúsnæði, segir Jón Viðar að oft sé stigið skrefinu lengra. „Við erum oft að tala um ekki bara fimm aðila, heldur tíu, tuttugu, þrjátíu. Þetta er oft orðið í raun meira eins og gistiheimili. Og kröfur á gistiheimili eru meiri en á íbúðarhúsnæði.“ Bjartsýnn á að frumvarp nái fram að ganga Jón Viðar er bjartsýnn á að frumvarp sem til stendur að leggja fyrir Alþingi verði orðið að lögum fyrir áramót. Það gæfi slökkviliðinu heimild til að fara inn í íbúðarhúsnæði ef grunur leikur á að brunavarnir séu í ólagi. „Það yrði jákvæð breyting. Það geta verið íbúðarhúsnæði sem er búið að hólfa niður og kannski tugir einstaklinga sem leigja þar. Það eitt og sér getur verið varhugavert varðandi brunavarnir og öryggi. Síðan er líka sú breyting að þeir sem eru ekki með brunavarnirnar í lagi, þurfi sjálfir að greiða fyrir eftirlitið.“ Þetta er svipað og ef þú keyrir yfir á rauði ljósi, þá borgar þú þá sekt en ekki almenningur.
Bruni á Funahöfða Slökkvilið Reykjavík Mest lesið Ríkið situr á þúsundum hektara af framræstu votlendi Innlent Sagði frá fyrirætlunum sínum í SMS-i fyrir morðið Erlent „Ég mun ekki sjá eftir honum“ Innlent Trump höfðar 15 milljarða dala mál gegn New York Times Erlent Yfirlæknir gagnrýnir auglýsingu gegn lyfi við RS-veiru Innlent „Þetta var vissulega ekki í starfslýsingunni“ Innlent Frumvarp um afnám laga um orlof húsmæðra lagt fram í tíunda sinn Innlent Ísland ekki óhult ef til átaka kemur í Evrópu Innlent Hefur ekki áhyggjur af svindli með nýju námsmati Innlent Bandaríkin lýstu yfir fullum stuðningi við fyrirætlanir Ísraelsstjórnar Erlent Fleiri fréttir Fá að halda framkvæmdum áfram í bili Eldur í geymslu í blokk á Selfossi Yfirlæknir gagnrýnir auglýsingu gegn lyfi við RS-veiru Flestir sem skráðu sig í Skorradalshrepp fá að kjósa Frumvarp um afnám laga um orlof húsmæðra lagt fram í tíunda sinn Ríkið situr á þúsundum hektara af framræstu votlendi Sló töskunni í vélarhlíf lögreglubifreiðar „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Sjá meira