Ytri Rangá stingur af

Í einhverjum tilfellum er það bland af báðu en sumarið stefnir í að verða heldur rólegt í tölum vægt til orða tekið. Ytri Rangá hefur tekið afgerandi forystu í veiðitölum og er veiðin í ánni komin í 1.419 laxa eftir mjög góða viku. Það er ekkert ólíklegt að að þegar veiðin er loksins komin í gang í ánni að hún sé að skila 300-400 löxum á góðri viku en það virðist ekki vera það öflug ganga að 100 laxa dagar séu að detta inn þó það væri auðvitað frábært að sjá.

Eystri Rangá er á rólegri siglingu í öðru sæti listans yfir aflahæstu árnar en þar hafa veiðst 1.170 laxar. Þverá Kjarrá er komin í 829 laxa og hún fer pottþétt yfir 1.000 laxa ef hún fær svá rigningu. Norðurá er í 710 löxum og miðað við hvað hún er orðin vatnslítil þá endar hún líklega rétt yfir 800 löxum. Selá er svo í fimmta sæti með 688 laxa en það er búin að vera fínn gangur í ánni og ágúst oft frábær mánuður í henni.

Listinn yfir vonbrigðin er svo aftur á móti lengri en töluvert af lélegum veiðitölum skrifast á lítið vatn í mörgum af bestu ánum en að sjá jafn margar af þessum nafntoguðu ám ekki komnar yfir 500 laxa eftir fyrstu viku í ágúst er sorglegt.