Innlent

Sinu­bruni við Mós­karðs­hnjúka

Máni Snær Þorláksson skrifar
Eldur kviknaði í sinu í nágrenni við Mósgarðshnjúka.
Eldur kviknaði í sinu í nágrenni við Mósgarðshnjúka. Arnar Haukur

Eldur kviknaði í sinu við rætur Móskarðshnjúka á fjórða tímanum í dag. Slökkvilið er á svæðinu og segir varðstjóri Slökkviliðsins á höfuðborgarsvæðinu að um mjög rólegan bruna sé að ræða. 

„Þetta er í kjarri og mosa. Þannig þetta fer ekki hratt yfir en það gæti orðið leiðinlegt að slökkva í þessu,“ segir Sigurjón Hendriksson, varðstjóri hjá slökkviliðinu á höfuðborgarsvæðinu, í samtali við fréttastofu. 

Sigurjón segir að slökkviliðsmenn séu mættir á svæðið og að þeir séu að hefja slökkvistörf. „Þeir eru að leggja slöngur að þessu og þá ætti þetta að ganga vel.“

Varðstjóri hjá slökkviliðinu gerir ráð fyrir að slökkvistörf eigi eftir að ganga vel.Arnar Haukur

Þá er ljóst að fólk þarf að passa sig með eld þar sem nokkur tími er liðinn síðan það rigndi á svæðinu. „Það er ekki búið að rigna í fjórar vikur þannig það er farið að þorna,“ segir Sigurjón.

Slökkvilið Mosfellsbær Reykjavík Gróðureldar á Íslandi

Mest lesið


Fleiri fréttir

Sjá meira


×

Mest lesið