Enn við höfn nokkrum mánuðum eftir að hafa strandað

Jóhannes Antons­son, stað­gengill hafnar­stjóra á Akur­eyri, segir í sam­tali við Vísi að Wil­son Skaw sé enn ekki að fullu sjó­fært. Skipið verði því dregið úr landi og til þess þurfi rétta tegund af dráttar­bát.

Skipið strandaði við Ennis­höfða í Húna­flóa þann 18. apríl síðast­liðinn þar sem það var á leið frá Hvamms­tanga til Hólma­víkur. Það er um 4.000 brúttó­tonn og 113 metra langt. Um borð voru um tvö þúsund tonn af salti og 195 tonn af olíu.

„Það hefur staðið yfir vinna undan­farnar vikur og mánuði við að laga það sem laga þarf áður en það fær að fara og tryggja að það sé alveg örugg­lega sjó­fært,“ segir Jóhannes sem kveðst ekki vita hvert flutninga­skipið heldur.

Skipið siglir undir fána Barba­dos og var komið á flot af Land­helgis­gæslunni þremur dögum eftir að það strandaði, þann 21. apríl. Varð­skipið Freyja dró skipið síðan úr Stein­gríms­firði og til Akur­eyrar þar sem það hefur verið síðan.

„Það hefur staðið yfir vinna við að tryggja að skipið fái til­skilin leyfi til þess að fara yfir hafið, það sé pott­þétt þétt og að engin olía leki frá því,“ segir Jóhannes sem segir veður­far ekki síst hafa spilað þátt í þeim tíma sem tekið hefur að koma skipinu úr landi.

„Bæði hefur verið beðið eftir hag­stæðu veðri en svo þarf líka að finna dráttar­bát til að gera þetta. Þetta er lík­lega langt ferða­lag og það tekur tíma að undir­búa það, fá leyfi og huga að ýmsu.“