Fréttir hverfa af Face­book í Kanada

Meta sá sig tilneytt til að grípa til ráðstafana í Ástralíu vegna svipaðrar löggjafar og notendur þar gátu um tíma hvorki lesið né deilt fréttum á Facebook. Samtal við stjórnvöld leiddi hins vegar til málamiðlunar.

Forsvarsmenn Meta segja löggjöfina meingallaða og byggða á misskilningi á því hvernig Facebook virkar. Það sé ekki raunhæft að ætlast til þess að Meta greiði fyrir efni eða tengla sem það ber enga ábyrgð á né séu fréttir ástæða þess að fólk noti Facebook.

Google hefur sömuleiðis sagt ómögulegt að framfylgja lögunum en segist munu vinna með stjórnvöldum að því að finna lausn. 

Stjórnvöld segja lögin hins vegar nauðsynleg til að jafna leikinn á hinum stafræna fréttamarkaði og tryggja fjölmiðlafyrirtækjum sem berjast í bökkum sanngjarna þóknun fyrir efni sem ratar á samfélagsmiðla.