Innlent

Bílar fuku af veginum í Öræfum

Samúel Karl Ólason skrifar
Bílar fuku út af veginum í Öræfum.
Bílar fuku út af veginum í Öræfum. Landsbjörg

Nokkur vandræði sköpuðust á Öræfu í morgun þar sem bílar fuku út af veginum vegna mikils hvassviðris. Sérstaklega var hvasst við Fjallsárlón en í tilkynningu frá Landsbjörg segir að ferðafólk hafi almennt verið í vandræðum.

Meðlimir Björgunarsveitarinnar Kára í Öræfum og Björgunarfélags Hornafjarðar komu að aðgerðunum í morgun, þar sem þjóðveginum var lokað frá Skaftafelli að vesta og Jökulsárlóni að austan.

Að öðru leyti var lítið um vandræði vegna hvassviðrisins sem gekk yfir landið í gær og í morgun.

Sjá einnig: Björgunar­sveitirnar lausar við út­köll í hvass­viðrinu

Gular veðurviðvaranir tóku gildi á mest öllu landinu vegna suðvestan hvassvirðis eða storms í gær. Viðvaranirnar á höfuðborgarsvæðinu, Faxaflóa, Suðurlandi og Suðausturlandi eru í gildi til klukkan 15, Austurland að Glettingi til klukkan 14 og Miðhálendi til klukkan 18.

Mikið rok var á svæðinu.Landsbjörg

Þjóðveginum var lokað vegna vinds.Landsbjörg

Húsbílar voru meðal þeirra sem fuku.Landsbjörg
Björgunarsveitir Veður

Mest lesið


Fleiri fréttir

Sjá meira


×

Mest lesið