Skoraði 42 stig og sigurkörfuna en gaf síðan skóna sína eftir leik

Harden bauð upp á sýningu fyrir Hao og hjálpaði sínum mönnum í Philadelphia 76ers að jafna einvígið í 2-2.

Úrslitin réðust ekki fyrr en í framlengingu en þar skoraði Harden sigurkörfuna með skoti fyrir utan þriggja stiga línuna og tryggði 76ers 116-115 sigur.

Harden átti magnaðan leik eftir að hafa verið slakur í báðum tapleikjunum á undan þessum leik í gær. Nú var hann með 42 stig, 9 stoðsendingar, 8 fráköst og 4 stolna bolta.

Eftir leikinn þá tók Harden á móti Hao niðri á gólfi og gaf honum skóna sína. Harden áritaði þá líka fyrir vin sinn. Hér fyrir neðan má sjá félagana saman eftir leikinn.