Kvöldfréttir Stöðvar 2

Fjallað verður nánar um málið í kvöldfréttum Stöðvar 2.

Lögregla telur að fjórmenningarnir sem voru handteknir vegna manndráps í Hafnarfirði hefðu þurft að sæta áframhaldandi gæsluvarðhaldi í þágu rannsóknarinnar. Við ræðum við lögreglu og heyrum í dómsmálaráðherra í beinni útsendingu.

Í Kompás sem birtist á Vísi í morgun var fjallað um erfiðar aðstæður andlegra veika fanga á Íslandi. Við ræðum við hjúkrunarfræðing hjá Geðhjálp sem skorar á stjórnvöld að grípa til aðgerða. Eigi að fækka afbrotum þurfi að vinna í rót vandans og hjálpa einstaklingum í fangelsi.

Þá fjallar Kristján Már Unnarsson um fyrirhuguð Fjarðarheiðargöng, sem gætu orðið langstærstu og dýrustu veggöng Íslands, við heyrum í Samtökunum 78 um áskorun til sveitarfélaga um að þau láti af fræðslu í grunnskólum og verðum í beinni frá Bíó Paradís - þar sem íslensk drauga- og spennumynd verður forsýnd í kvöld.

Þetta og margt fleira á samtengdum rásum Bylgjunnar og Stöðvar 2 klukkan 18:30.