Sjóð­heita plötu­snúða­parið Karen Grétars og Margeir kvöddu veturinn með stæl

Þetta fyrsta Smirnoff klúbbakvöld plötusnúða parsins ber heitið Hitabylgja og segir í fréttatilkynningu að það hafi heppnast vel. 

„Hitatölur hækkuðu þegar kvöldið nálgaðist og það var pakkfullt út úr dyrum enda landsmenn greinilega tilbúnir að kveðja veturinn og myrkrið. Þakið ætlaði að rifna af húsinu þegar Daníel Ágúst steig á svið líkt og sólarupprás í gulum jakkafötum og tók syrpu með DJ Margeiri. Svo lokaði hann einnig kvöldinu með laginu Over sem er GusGus klassík og allir tóku undir.“

Karen hefur spilað á stórum klúbbum um allan heim en það kom henni á óvart hvernig orkan var á Auto. Hún segir þetta ekki hafa verið síðra en að spila erlendis.

„Það var mikið af gömlum vinum sem mættu með góða skapið ásamt mörgum af skólafélögunum úr lögfræðinni. Það gekk mjög vel að spila með Margeiri enda er góð stemning á milli okkar og við erum með mjög svipaðan tónlistarsmekk þannig að það var extra stuð,“ segir Karen. Hún á ekki langt að sækja tónlistaráhugann þar sem hún er dóttir þjóðþekkta tónlistarmannsins Grétars Övarssonar úr Stjórninni. 

Hér má sjá nokkrar vel valdar myndir frá kvöldinu: