Innlent

2.000 tonn af salti og 195 tonn af olíu um borð

Máni Snær Þorláksson skrifar
Búið er að koma mengunarvarnargirðingu fyrir umhverfis skipið.
Búið er að koma mengunarvarnargirðingu fyrir umhverfis skipið. Landhelgisgæslan

Engin merki eru um olíuleka frá flutningaskipinu Wilson Skaw sem strandaði við Ennishöfða í Húnaflóa í gær. Tæplega tvö þúsund tonn af salti og 195 af olíu eru um borð í skipinu. Útlit er fyrir að létta þurfi skipið áður en ráðist verður í björgun þess og ljóst er að það verður ekki fært strax.

Þrátt fyrir að engin merki séu um olíuleka kom áhöfnin á varðskipinu Freyju fyrir mengunarvarnagirðingu umhverfis skipið í morgun. Í tilkynningu frá Landhelgisgæslunni kemur fram að það hafi verið gert til að gæta fyllsta öryggis.

Áhöfnin á varðskipinu Freyju er til taks á svæðinu.Landhelgisgæslan

Kafarar Landhelgisgæslunnar köfuðu að skipinu í gær og sást þá að það situr fast á um fimmtíu metra kafla. Því er ljóst að það verður ekki fært af strandstað fyrr en í fyrsta lagi eftir nokkra daga. „Útgerð skipsins útbýr núna björgunaráætlun eins og lög kveða á um en áhöfnin á Freyju er til taks á svæðinu til að grípa inn í ef þörf krefur,“ segir í tilkynningunni.

Skipaflutningar Landhelgisgæslan Strand Wilson Skaw

Tengdar fréttir

Kafarar könnuðu á­stand skipsins

Kafarar Landhelgisgæslunnar könnuðu í gærkvöldi ástand flutningaskipsins Wilson Skaw sem strandaði á Húnaflóa í gær. Varðskipið Freyja er á staðnum en skipið er strand við Ennishöfða. Stefnt er að því að losa skipið í dag.

Skipið virðist hafa siglt ó­hefð­bundna leið

Erlent flutningaskip strandaði við Ennishöfða í Húnaflóa fyrr í dag. Að sögn upplýsingafulltrúa Landhelgisgæslu virðist skipið hafa siglt óhefðbundna siglingarleið. Allar aðgerðir snúa að því að tryggja umhverfi sem best. 

Skip strandaði á Húna­flóa

Erlent flutningaskip strandaði við Ennishöfða í Húnaflóa fyrr í dag. Varðskipið Freyja er á leiðinni að strandstað sem og þyrla Landhelgisgæslunnar. Líðan áhafnarinnar er góð.

Mest lesið


Fleiri fréttir

Sjá meira


×

Mest lesið