Talið að Lampard taki tímabundið við

Talið er næsta víst að Lampard verði á hliðarlínunni sem stjóri Chelsea þegar liðið mætir Wolves í ensku úrvalsdeildinni á laugardaginn kemur. 

Lampard, sem er markahæsti leikmaður í sögu Chelsea, var látinn taka pokann sinn sem knattspyrnustjóri liðsins í janúar árið 2021 eftir að hafa stýrt liðinu frá því sumarið 2019. 

Þá tók Lampard við stjórnartaumunum hjá Everton í janúar á síðasta ári og var svo rekinn tæpu ári síðar fyrr á þessu ári. 

Eins og greint var frá í gærkvöldi er Luis Enrique staddur í Lundúnum þar sem hann er í samningaviðræðum við forráðamenn Chelsea um að taka við liðinu til frambúðar eftir leiktíðina.