Tímabilið byrjar bara ágætlega

Eitt af því sem margir töldu vera aprílgabb er frétt af regnbogasilungum sem fengust í Minnivallalæk en menn rekur ekki í minni að hafa fengið þá jafn vel haldna og þessa sem veiddust núna. Minnivallalækur gefur annars svo til eingöngu urriða og eina og eina bleikju.

Það hafa komið góðar fréttir af mörgum svæðum og eitt af þeim sem virðist alltaf opna með stæl er Leirá en þar var eitthvað á þriðja tug fiska landað strax á fyrsta á degi og það sást fiskur víða. Við erum að taka saman helstu fréttir af veiðisvæðum eftir helgina og núna þegar tímabilið er loksins hafið á veiðifréttum eftir að fjölga eins og venjulega samhliða því.

Ytri Rangá hefur líka gefið sinn fyrsta fisk en þar getur oft verið mjög góð veiði á sjóbirting á neðri svæðunum og síðan þegar það hlýnar aðeins fara efri svæðin að gefa líka en þar er að finna ansi væna urriða.