Innlent

Hádegisfréttir Bylgjunnar

Elísabet Inga Sigurðardóttir skrifar
Hádegisfréttir Bylgjunnar verða á sínum stað.
Hádegisfréttir Bylgjunnar verða á sínum stað. Vísir

Óveður verður fyrirferðamikið í hádegisfréttum Bylgjunnar á jóladag. Björgunarsveitarmenn í Vík í Mýrdal fengu ekki að borða jólamatinn fyrr en á ellefta tímanum í gærkvöld vegna á annað hundrað erlendra ferðamanna sem sátu fastir í ófærðinni. Áfram er erfið færð víðast hvar á landinu og fólk hvatt til að halda sig heima.

Þá fjöllum við einnig um óveðrið sem nú geisar í Bandaríkjunum, en að minnsta kosti átján hafa látist í fimbulkuldanum. Milljónir eru strandaglópar á flugvöllum og fjöldi er án rafmagns um jólin.

Fjöldi fólks leitaði á Bráðamóttöku Landspítalans í gær og í nótt vegna hálkumeiðsla. Þá var nokkuð um að fólk leitaði sér aðstoðar vegna ofáts.

Agnes M. Sigurðardóttir biskup Íslands fór um víðan völl í jóladagspredikun sinni frá Grafavogskirkju þar sem hún gerði ofbeldi meðal barna að umfjöllunarefni. 

Þá fjöllum við um jólalottó en í hugum flestra Spánverja hefjast jólin í rauninni 22. desember. Þá er dregið í spænska jólalottóinu sem er eitt elsta og stærsta lottó veraldar. Jóhann Hlíðar fylgdist með þessum einkennilega jólasið fyrir jólin.

Þetta og fleira í hádegisfréttum Bylgjunnar á slaginu klukkan 12:00.

Hádegisfréttir Bylgjunnar

Mest lesið


Fleiri fréttir

Sjá meira


×

Mest lesið