Hádegisfréttir Bylgjunnar

VR slitu viðræðum við Samtök Atvinnulífsins í gærkvöldi og í hádegisfréttum verður rætt við Ragnar Þór Ingólfsson formann félagsins. Þá fáum við vonandi viðbrögð við stöðunni frá forystufólki ríkisstjórinnar en það voru meðal annars ummæli Bjarna Benediktssonar fjármálaráðherra frá því í gær sem hleyptu illu blóði í Ragnar Þór og félaga.

Lögreglan á höfuðborgarsvæðinu verður með aukinn viðbúnað í miðbæ Reykjavíkur um helgina en aðalvarðstjóri segir þó ekki ástæðu til þess að fólk forðist miðbæinn sérstaklega. 

Þá tökum við stöðuna á ástandinu fyrir austan en þar óttast menn skriðuföll eftir rigningatíð síðustu daga. 

Einnig fjöllum við um Svartan föstudag og ákall Sopru og Umhverfisstofnunar sem beina því til fólks að ganga hægt um gleðinnar dyr.