Erlent

Boða til kosninga í Fær­eyjum eftir út­göngu Mið­flokksins

Bjarki Sigurðsson skrifar
Bárður á Steig Nielsen lögmaður Færeyja.
Bárður á Steig Nielsen lögmaður Færeyja. EPA

Bárður á Steig Nielsen, lögmaður Færeyja, hefur boðað til þingkosninga þann 8. desember næstkomandi. Miðflokkurinn sagði sig úr ríkisstjórnarsamstarfi í gær eftir að Jenis av Rana var vikið úr embætti utanríkis- og menntamálaráðherra. 

Jenis av Rana var hent öfugum úr ríkisstjórn Færeyja í gær eftir að hafa neitað að innleiða lög sem varða réttindi samkynhneigðra foreldra. Í kjölfar þess sagði flokkur Jenis av Rana, Miðflokkurinn, sig úr ríkisstjórnarsamstarfi flokksins með Sambandsflokknum og Fólkaflokknum.

Þá var gert ráð fyrir því að boða þyrfti til kosninga, nema einhver flokkur á Lögþinginu, þingi Færeyinga, myndi styðja minnihlutastjórn flokkanna tveggja. Ekkert varð úr því og því boðaði Bárður á Steig Nielsen til kosninga. 

Kosið verður fimmtudaginn 8. desember næstkomandi. Síðustu kosningar í Færeyjum fóru fram árið 2019 en þá fengu Sambandsflokkurinn og Fólkaflokkurinn alls fimmtán þingmenn af 33. Þeir mynduðu ríkisstjórn með Miðflokknum sem fékk tvo þingmenn. 

Færeyjar Kosningar í Færeyjum

Tengdar fréttir

Kann að enda með að boðað verði til þing­kosninga

Færeyski Miðflokkurinn hefur sagt skilið við ríkisstjórn landsins eftir að Bárður á Steig Nielsen, lögmaður Færeyja, ákvað að reka formann Miðflokksins, Jenis av Rana, úr embætti utanríkis- og menntamálaráðherra í gær. Miklar líkur eru á að boðað verði til þingkosninga í Færeyjum til að leysa úr þeirri stöðu sem upp er komin í færeyskum stjórnmálum.

Mest lesið


Fleiri fréttir

Sjá meira


×

Mest lesið