Sindri gaf ÍR sigur

Liðin áttu að mætast á Höfn í Hornafirði í kvöld en þar sem að heimamenn ákváðu að gefa leikinn fær ÍR 20-0 sigur.

Það er jafnframt ljóst hvaða liði ÍR-ingar mæta í 16-liða úrslitunum því þar bíður Stjarnan sem vann útisigur gegn 1. deildarliði Þórs á Akureyri í gær, 115-74. Stjarnan verður á heimavelli í leiknum við ÍR.

Í gær komust einnig áfram lið Hattar og KR. Höttur vann góðan sigur gegn Þór Þorlákshöfn og KR hafði betur gegn B-liði KR, 95-67. KR mætir liði Hamars í 16-liða úrslitunum en Höttur á fyrir höndum leik við sigurliðið úr einvígi ÍA og Selfoss.

Í kvöld lýkur 32-liða úrslitunum með sex leikjum sem allir hefjast klukkan 19.15:

Álftanes - Keflavík

ÍA - Selfoss

Tindastóll - Haukar

Njarðvík - Þróttur V.

Valur - Breiðablik