Eldur brann í fjölbýlishúsi í Laugardalnum í nótt

Þetta kemur fram í dagbók lögreglu í morgun þar sem farið er yfir helstu tíðindi næturinnar. Þar segir að tilkynnt hafi verið um slagsmál í Múlunum og um líkamsárás í Breiðholti. 

Þá hafi verið tilkynnt um slys í miðvænum en þar hafði einstaklingur fallið í jörðina. Hann var fluttur á bráðamóttöku til skoðunar. Þá var tilkynnt um skemmdarverk í Múlunum en þar hafði einhver barið múrsteini í hús og bifreið þess sem tilkynnti málið. 

Óskað var eftir aðstoð lögreglu vegna einstaklings í annarlegu ástandi. Sá var handtekinn en hann er grunaður um vörslu fíkniefna og var vistaður í fangaklefa þar til hægt er að ræða við hann. 

Einn ökumaður var stöðvaður í miðbænum grunaður um akstur undir áhrifum fíkniefna. Þá er ökumaðurinn einnig grunaður um vörslu fíkniefna. Annar ökumaður var stöðvaður í Kópavogi grunaður um akstur undir áhrifum fíkniefna. 

Þá var tilkynnt um tvö inbrot í heimahúsi í Kópavogi í nótt. 

Fréttin hefur verið uppfærð. Áður sagði að eldur hafi komið upp í fjölbýlishúsi í Laugardal í nótt en það var síðdegis í gær.